ताप्लेजुङ्ग (फुङलिङ्ग बजार):

ताप्लेजुङ्ग जिल्लाको सदरमुकाम फुङलिङ्ग लिम्बु भाषामा "फूलैफूलको ठाउँ" भन्ने बुझिन्छ । करिब १८२४ मिटर (५९८४ फीट) को उचाईमा अवस्थित उपयुक्त हावापानी तथा प्राकृतिक सुन्दरताले भरिपूर्ण पहाडी बजार उत्तिस, सल्ला र गुराँसको जंगलले ढाकिएको छ । देवी अवस्थित पाथीभरा डाँडा सदा फुङलिङ्ग बजारको रक्षक बनी पहरा दिई रहेकी छिन् । करिब २ किलोमिटर लामो फुङलिङ्ग बजार पाथीभराको काखमा लम्पसार भएर सुतिरहेको भान हुन्छ । पाथीभरा देवी मन्दिरको यात्रा र दर्शनका लागि आवश्यक सामाग्रीहरु यहाँबाट व्यवस्था गर्नु उपयुक्त हुन्छ ।

सुविधाहरु : होटल, लज, रेष्‍टुरेन्ट, संचार (फोन, फ्याक्स, ईमेल, ईन्टरनेट)

चिनो : छुर्पी, अलैंची, गलैंचा, ढाका कपडा, जडीबुटी आदि

मुख्य परिकार : तोङवा र सुकुटी